Vawiin khan Economics & Statistics Department hmalaknain Saitual Kohhran Centenary Hall, Saitualah Saitual District Civil Registration System RBD Annual training 2026 programme chu pian leh thih ni chhinchhiah a, ziaklut thintu (Death & Birth registrar) te tan neih a ni a, Pu Lallawmawma, Addl. DC chu khuallian niin hun a hmanpui.
He hunah hian Pu Lallawmawma, Addl. DC chuan thu a sawi a, ram hrang hrangte an indo nasa hle tih sawiin, rama buaina awm thin hian pem lut leh raltlan te a ti tam a, hei vang hian Death & Birth registrar te pawimawhna chu a zual hle tih a sawi. Khuallian chuan kalkhawm te chu an hna a pawimawh hle tih sawiin, Death leh Birth certificate pek chhuah chungchangah pawh fimkhur hle turin a fuih a, an training chu hlawkpui theuh turin a duhsakna a hlan bawk a ni.
Vawiin training-ah hian Saitual District chhunga Unit-48-a thawk te an kal khawm a, “General instruction for RBDS” tih thupui hmangin Pu J. Ramdinmawia, IS chuan zirtirna a pe a, “New forms and its usage” tih thupui hmangin Pu Michael Lalremsanga, DPA-in zirtirna a pe bawk. He hun hi Pu Lalnghinglova, DRO chuan a kai hruai a, Pi Mary Lalremruati chuan lawmthu sawinain a khar a ni.
