Vawiin khan a ni hnihna atan KVK Khawzawl leh SIRD & PR, Extension training, Thingsulthliah te tang kawp chuan Khawhai khuaa Village Council House ah Tomato chingtu mi 30 te hnenah Identification of Pest on Major Agricultural & Horticultural crops (thlai ti chhe tu, rannung leh natna lanchhuah dan hriat hran theih dan leh ven dan bakah enkawl dan chungchang) in zirtirna an buatsaih.
He hun hi Pu R. Vanlalmuanpuia, Faculty SIRD chuan kaihruaiin, he training-ah hian tomato chingtute nen Farmers Scientist Interaction neih nghal a ni. He huna kalkhawmte hnenah hian Dr. Lalngaihawmi, Subject Matter Specialist (Plant Protection) chuan zirtirna a pe a, kuthnathawktuten tun aia hmasawn leh hlawk zawka an thlai thar te an hralh chhuah theih nan tunlai thiamna hrang hrangte hman dan te a hrilh a, chumi atana KVK Khawzawl te leh SIRD te nena tangkawpa he hun hi buatsaih a nih thu a sawi.
