Vawiin khan Serchhip DC Pu Paul L Khuma kaihhruaiin Saksham Anganwadi & Poshan 2.0 chungchang ngaihtuahin Women & Child Development Department leh Serchhipa Line Department ten District Convergence Meeting DC Meeting Hall-ah neih a ni.
DC Pu Paul L Khuma chuan Convergence pawimawhna leh department hrang hrangte nena thawhho a pawimawh thu a sawi a. Serchhip khaw chhunga sawrkar department zawng zawngte thawh hona a that lehzual nan leh meeting hlawhtilng tak neih a nih theih nan thahnemngai theuh turin a chah a ni.
Meeting-ah hian Department hrang hrangte nena thawhho theih dan tur sawiho niin kumin chhunga Convergence kaltlanga hna an thawh dan tur an sawi a, kum 2026-2027 atana hman tur Action Plan an siam a ni.
He meetingah hian Project Director DRDO Dr. Malsawmtluanga Fanchun, DUDO Pu Gaston Vanlalhriatpuia, District Programme Officer Pi Lalthlamuani Rokhum, CDPO Pi Caryll Lalpari, District Coordinator Poshan Abhiyaan Pu James Lalremliana bakah Line Department hrang hrang aiawhte an tel a ni.
