Chhiatrupna thlen thulha chhanchhuah leh chhawmdawl hna kalpui dan tur, a taka enchhinna ‘State Level Mock Exercise on Earthquake’ chu National Disaster Management Authority leh Disaster Management & Rehabilitation Department bultumin Mizoram district tinah kalpui a ni a. Lirnghing avangin Mizoram district hrang hranga hmun 36-ah inchim, kangmei chhuak leh chhiatna hrang hrang thlen theih dan lem chan a ni a. Heng hmunahte hian District Emergency Operation Centre-te, Incident Site Commander-te, Staging Area Management leh Relief Camp-a hmalaknate chu Video Conference kaltlangin vilpui a ni a. Brig. Ravinder Gurung (Retd.) Sr. Consultant, NDMA chuan State Emergency Operation Centre atangin heng chetlaknate hi thlirpuiin Pu PC Lallawmsanga, IPS (Retd.), Former Principal Secretary, DM&R leh Pu Dominic Lalhmangaiha, Former Director, DM&R te chuan State Observer angin an telpui bawk a ni.
State Level Mock Exercise on Earthquake hi chawhma dar 10 atang khan tih chhinna hi kalpui tan a ni a. District tin a Quick Response Force-te, Fire & Emergency services -te, National Disaster Response Force, State Disaster Response Force, Assam leh Tripura atangin Central Industrial Security Force (CISF), Assam Rifles, Border Security Force (BSF), Medical team, tlawmngai pawl leh volunteer-te mawhphurhna ataka an kalpui dan enchhin a ni a. Lirnghing vanga In chim, kangmei chhuak, kawng ping, inbiakpawhna chhia thleng thei kara chhanchhuah leh chhawmdawl hna awmze nei taka kalpui dan tih chhinna ah hian Line Department hrang hrang, PHE, PWD, P&E, Transport Department, I&PR leh a dangte pawh an tel a. Hliam enkawlna hmun ‘Relief Camp’ te hi a hmunah NDMA leh DM&R hotute hian an tlawh bawk a ni.
Khaw thim hnua chhanchhuah leh chhawmdawl hna kalpui kawngah harsatna a awm leh awm loh hriat a nih theih nan State Level Mock Exercise hi tlai dar 5 atangin kalpui leh tur a ni ang.
