India AI Impact Summit 2026 ah Mizoram University Department of Information Technology-a Associate Professor Dr R. Chawngsangpuii a tel.
Union Ministry of Electronics and Information Technology (MeitY) buatsaih India AI Impact Summit 2026 hi Prime Minister Narendra Modi-an Ningani khan New Delhi-a Bharat Mandapam ah a hawng a, he Summit thupui hi “People, Planet and Progress” niin khawvel ram hruaitute, policy siamtute, zirchiangtu lar tak takte leh industry executive-ten chuan economy leh society siamna kawnga Artificial Intelligence (AI) chanvo inthlak danglam zel chungchang an sawiho a ni.
Mizoram University aiawha kal Dr Chawngsangpuii chuan AI Impact Summit 2026 chu khawvel huapa event pawimawhanih thu sawiin, Artificial Intelligence ṭhatna leh mipui a nghawng theih dan te ngaihtuah hona tura duan a ni a ti a, he Summit-a a tel ve thei chu lawmawm a tih thu leh, Technology lama ke pen thin hmeichhiate hnathawh an ngaipawimawhzia tilang nasa hlea a hriat thu a sawi a ni.
